HÍT

Hið íslenska töframannagildi

I.B.M. Ring 371 in Iceland

laugardaginn 22. ágúst 2026, kl. 12–18
í Hannesarholti, Grundarstíg 10, 101 Reykjavík.
Ókeypis aðgangur!

Félagar í Hinu íslenska töframannagildi/IBM-hring 371, sýna töfrabrögð í nálægð — og töfrarnir gerast oftar en ekki í höndum áhorfenda.

Töframennirnir verða á vappi um húsið og sýna töfrabrögð á milli kl. 12:00 og 18:00. Sum töfrabrögðin henta vel fyrir börn, en önnur henta betur fyrir fullorðna, þar sem áhorfendur gætu þurft að velja spil og muna hvað var valið — auk þess að taka ýmsar ákvarðanir.

Hið íslenska töframannagildi er vettvangur fyrir alla sem hafa áhuga á töfrum og töfrabrögðum. Haldin eru námskeið, ýmis góð ráð gefin og á öllum fundum eru einhverjir félagar sem sýna töfrabrögð. Ef þú vilt vera með, sendu okkur þá tölvupóst á:tofrar@toframenn.is

Næsti fundur er miðvikudaginn 26. ágúst 2026, kl. 19:58, í Reykjavík — hafirðu áhuga á töfrum ertu velkomin/velkominn!

Hið íslenska töframannagildi var stofnað 29. febrúar 2007.

Mánaðarlegir fundir

Við höldum fund síðasta miðvikudag í hverjum mánuði þar sem farið er yfir það nýjasta í heimi töfranna, hverju sinni.

Félagsaðild

Hið íslenska töframannagildi er fyrir þá sem hafa áhuga á töfrum, eru 18 ára eða eldri. Ekki er nauðsynlegt að vera starfandi töframaður.

Unglingadeild HÍT

Fyrirhugað er að stofna unglingadeild HÍT, en hún væri fyrir krakka á aldrinum 12–17 ára, sem hafa áhuga á töfrum. Áhugasamir sendi okkur tölvupóst!

Are you a Magician?

If you are a traveling magician, on your way to Iceland, we would love to hear from you! Please contact us!

Félagar í IBM og fá töfratímarit

Félagar í HÍT eru einnig félagar í IBM, International Brotherhood of Magicians og fá tímaritið The Linking Ring mánaðarlega. Þar er kennsla á töfrabrögðum, umfjallanir, dómar og auglýsingar.

Hefurðu áhuga á töfrum?

Ef þú hefur áhuga á töfrum og vilt fá nánari upplýsingar um inngöngu í HÍT, eða langar bara að forvitnast um félagið, hafðu þá endilega samband við okkur!

UM HÍT

Hið íslenska töframannagildi er hringur 371 í International Brotherhood of Magicians.

Fyrirlestrar á hverju ári

Undanfarin ár hefur verið haldinn fjöldi fyrirlestra fyrir félaga í HÍT. Við höfum fengið marga töframenn, bæði frá Bandaríkjunum og frá Evrópu, til þess að halda fyrirlestra um ýmislegt áhugavert, bæði á staðnum og einnig í gegnum Zoom.

Félagsmenn HÍT

Í Hinu íslenska töframannagildi eru bæði starfandi töframenn og einnig félagar sem eru áhugasamir um töfrabrögð.

Námskeið

Á hverju ári er haldið eitt, eða fleiri námskeið, þar sem hægt er að læra töfrabrögð og ýmislegt sem viðkemur töfrum. Bæði erlendir, sem og íslenskir töframenn hafa kennt ýmislegt áhugavert.

Töfrakvöld HÍT

Hið íslenska töframannagildi hefur haldið fjölmörg Töfrakvöld HÍT, allt frá árinu 2007, þar sem boðið hefur verið upp á töfrasýningar af bestu gerð — og oft með færustu töframönnum heims sem sérstökum gestum.